fbpx

OFTA SPURDIR SPURNINGAR

SAMSUNG SJÓNVARPWAMBLEE Boyusendari

OSS Samsung sjónvarp

Hvussu fái eg ViaPlay á mítt Samsung sjónvarp?
Hvussu nullstilli eg mítt Samsung sjónvarp?

OSS Boyusendari

Eru allir boyusendarar líka?

Nei, hvør boya hevur eina eyðmerkingar kodu, sum bara loyvdi brúkarin fær kunning um.

Í hvørjum frekvensi senda tær?

Tær virka á HF-bandi (27 Mhz)

Hvat sendir boyusendarin?

Radioboyan sendir knattstøðu, (skal hava eitt GPS modul knýtt at) battarí status, og hita í sjónum (uml. 10 cm frá yvirflatu).

Hvussu neyv er knattstøðan?

Neyvstøðan til knattstøðuna er <=30 metrar

Hvat tíðarinterval sendir boyan?

Transmissiónin er sett sum standard til 15 minuttir, men kann broytast við eini programmering (einans framd av okkara starvsfólki)

Hevur boyusendarin eitt signalljós?

Ja, boyusendarin hevur eitt signalljós sum kann programmerast (einans av okkara fólki) í tríggjar ymiskar støður.
• Sløkt. *1
• Aktivt, alt eftir ljósið í luftini. *2
• Altíð aktivt. *3

Hvussu leingi kann boyusendarin senda?

Um transmissiónin er sett til 15 minuttir og um signalljósið er aktivt til dagsljós *2, kann boyan senda uml. 10 dagar.

Sendir boyusendarin alla tíðina?

Nei, boyusendarin sendir stutt signal, á umleið 2 sekund.

Er móttøkan av signalinum áhaldandi?

Nei. Standard uppseting er einki signal, men eitt falskt tilvildarligt signalvirði er lagt inn fyri at minka um vandan fyri yvirlapping av transmissiónum frá fleiri boyum.

Sæst knattstøðan hjá boyusendaranum alt fyri eitt?

Nei. Vanliga tekur tað nakrar minuttir at finna knattstøðuna. GPS skipanin má fáa samansetta dátur.

Hvat fylgisveina net nýtir boyusendarin?

Hann nýtir GNSS (USA), GLONASS (Rusland) og GALILEO (ES) skipanirnar.

Hvussu kann boyusendarin tendrast?

Boyusendarin verður aktiveraður við at seta stongina í gjøgnum metalkreðan á boyuni.  Snara stondini 30 gradir og læs stong og boyu við einum trygdarkróki. Boyan blinkar tvær ferðir í váttar aktiveringina.

Hvussu verður boyusendarin løddur?

Hann verður løddur við einum W890 løðar.

Er tað neyðugt at taka battaríið úr, tá tað skal løðast?

Nei, tað er nokk at seta boyusendaran til ein hóskandi húsa og W890 løðarin sjálvvirkandi setur løðingina í gongd.

Hvussu leingi tekur tað at løða ein boyusendara?

Okkurt um 6 tímar. Í øllum viðurskiftum er løðarin, viðlíkahald, sundur skiljing og temperatur kontroll av battarípakkanum, stýrd av boyusendaranum og løðarnum.

Kann eg nýta aðrar løðarar?

Nei. Tí trygdarfunktiónir í løðingini, vera stýrdar av W890 løðaranum.

Hvat hendir, um ein steðgar løðingini og endurnýggjar løðaran?

Løðingin byrjar av nýggjum, men hitin á battaríinum verður goymdur og tí verður løðingin framd á tryggan hátt.

Hvør orka er kravd fyri at stýra W890 løðaran?

W890 løðarin arbeiðir frá 10–30Volt (tí virkar hann líka val við einum 12V sum 24 V).

Tá battaríið er løtt, hvussu leingi heldur tað streymin?

Um W880 battaríið er í góðum standi, missur tað umleið 2% um mánaðin.

Hvussu leingi heldur eitt W880 battarí?

400–500 løðingar.

Er battaríið Lithium?

Nei. Tað er eitt NiMH battarí. Tey sleppa undan transport avmarkingum.

Hvat er longsta frástøða fyri at fáa samband við boyusendaran?

Signalmóttøkan er tengd av fleiri faktorum, so sum tilstand í sjónum (aldur), tilstand í veðrinum ( klárt, regn ella toka) og hvussu móttøku antennan er sett upp ( stað, innanborða signalforstýrilsi og HF útgerð). Annars í vanligum umstøðum sendir radioboyar millum 50–80 km.

Hvør útgerð er neyðug fyri at móttaka signal?

Fyri at móttaka signal frá boyusendaranum, hevur tú brúk fyri:

• Okkara W830 móttakara
• Eina HF antennu (útvega frá okkum við móttakaranum)
• Eina (far)teldu við Windows stýrisskipan (ikki við í keypinum)
• Eitt W830 DataManager forrit (útvegað frá okkum)

Er brúk fyri einum HF móttakara?

Nei, okkara W830 hevur beinleiðis funku, sum ein HF móttakari og ein dekodari fyri samskifti við boyusendaran.

Er neyðugt af útføra funkur við hond meðan skipanina verður nýtt, s.s. at leita ella broyta parametur?

Nei. Allar atgerðir vera framdar sjálvvirkandi við W830 móttakaranum.

Hvør leinkja/samband er neyðug?

HF antennan má vera knýtt at W830 móttakaranum, við einum BNC stikkara. Síðan mást samanknýta W830 móttakaran til tína (far)teldu við einum USB A-B stikkara.

Kann eg nýta aðra HF antennu?

Vit viðmala ikki at nýta aðrar antennur enn tí vit veita, tí góðskan á signalmóttøkuni og frástøðan frá signalinum kann vera ávirkað við góðskuni av HF antennuni.

Er nakað ávíst stað, antennan skal setast?

Antennan má setast á hægsta møguliga stað á farinum, men samstundis má hon vera hildin so langt burt sum møguligt frá øðrum antennum sum eru sett í samband við radioútgerð. T.d. um ein HF ella CB radio er sett umborð, er tað sera tídningarmikið at antennurnar hava so langa frástøðu sum gjørligt. Eisini kápilføringin av coax kaðalinum má hava størst møguliga frástøðu, serliga teir sum senda signal.

Hvussu kann eg lesa móttikin data?

W830 DataManager forritið, móttekur kunning við W830 móttakaranum og viðgjørt, síðani gloymd í einum databasa. Kunningin er her eftir víst í einum tabel formli og bólkað eftir boyum. T.d. fyri boyu nr. 1, er tað møguligt at velja via givnum lista, móttikin boð. Boðini vera víst soleiðis, at nýggjastu boðini eru ovast og víst í dagfesting og tíð av móttiknum boðum.

Er nakar plottari?

Nei. W830 DataManager forritið hevur ikki sítt egna kort, men tað er møguligt at samantvinna databasuna við onnur plottara skipanir.

Hvørjar plottaraskipanir kunnu nýtast saman við W880 skipanini?

Okkara skipan samarbeiðir beinleiðis við MaxSea TimeZero (og undanfarnar útgávur) og OrbScan. Í hesum sambandi kann nýtast sama (far)telda at uppseta okkara W830 DataManager forrit.

Um eg ikki havi nakra kortskipan á telduni, men havi plottara umborð, kann eg nýta tað?

Ja. Tað er møguligt, at nýta allar plottarar, sum hava NMEA0183 portur, og knýta eina teldu til via serial port, ella USB kaðali. Í hesum sambandi skal W830 DataManager forritið vera uppsett til at generera eina serliga NMEA AIS setning fyri allar plottarar um borð. Í hesum føri, vera boyusendararnir vístir sum ATON mið.

Men í hesum føri, (sí omanfyri) vilja boyusendararnir vera sjónligir fyri onnur skip í økinum?

Nei. tí NMEA AIS signalið er eitt virtuelt signal og er ikki eitt sendisignal, men bert sent via kaðali millum (far)telduna og plottaran umborð.

Hvussu nógv data kann vera goymt á (far)telduni?

Tað er møguligt at hava eitt ár í goymsluni, og har síggja rørslur, men tað er eisini møguleiki fyri at seta eina grensu soleiðis at, tá mest loyvda grensa er nádd, slettar databasin sjálvvirkandi elstu dátur.

Er møguligt at printa út dátur?

Ja, tað er møguligt at printa dátur í ymiskum formati so sum PDF, Excel, RPT ella senda beinleiðis til ein printara.

Hvørja dátur kunnu printast?

Øll mótikin boð (fullfíggjað við knattstøðum, hita og battarí status), allir statistikkir fyri hvørja boyu og allar móttiknar feilir.

Er boyusendarin CE góðkendur?

Ja, boyusendarin er CE góðkendur samsvarandi RED direktiv.