fbpx

Ritunøva nýbygningur nr. 50

Í fagrasta veðri í gjáramorgunin stevndi nýbygningur nummar 50 hjá KJ út av Fuglafirði. Tvíkiljan er handað alifelagnum Luna og hevur fingið navnið Ritunøva.

Ritunøva er 15,5 metrar long og sjey metrar breið. Hon hevur tveir framdriftsmotorar á 425 HK hvør og ein 100 KVA ljósmotor.

Av deksútgerð kann nevnast ein Palfinger 50 tm krani, eitt 10 tons deksspæl, ein kapstanur á seks tons og tríggir á eitt tons hvør.
– Tvíkiljan er útgjørd við messu, wc, arbeiðs-og klædnarúmi og allari vanligar nautiskari útgerð, siga tey hjá KJ, sum við tvíkiljuni Ritunøvu hava bygt tilsamans níggju alibátar til Luna.

Lagt verður aftrat, at Ritunøva er bygd í tøttum samstarvi við Luna, har serligur dentur er lagdur á gott arbeiðsumhvørvi.
– Tvíkiljan skal vera góð og trygg at arbeiða við í øllum líkindum, og nógv er gjørt fyri at fáa ljóðviðurskiftini so góð sum til ber, siga tey hjá KJ.

Undirveitarar til Ritunøvu, sum er heimahoyrandi í Bø, eru eitt nú Kári Jóhannesen, Bátatænastan, PFJ EL, Radiobúðin, Gummibátatænastan og Sámal í Jógvansstovu.

Kelda: in.fo

Upplatingartíðir í desember

15. desember - 10:00–16.00
19. desember - 9:00–20.00
20. desember - 9.00–20.00
21. desember - 9.00–20.00
22. desember - 10.00–20.00
23. desember - 14.00–20.00
27. desember - 13.00-17:30
31. desember - stongt

2. januar - 9.00–17.30